منتديات تــ ع ــب قــلبي

اهـــلا وسهــلا بــكــم
 
الرئيسيةالرئيسية  البوابةالبوابة  س .و .جس .و .ج  بحـثبحـث  التسجيلالتسجيل  الأعضاءالأعضاء  المجموعاتالمجموعات  دخولدخول  

شاطر | 
 

 تـــعــلم كــتـآبــة الــشــعــر بـ 3 خــطــوآت ارجو التثبيت

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
انتظر كلمه احبك
شــخصــيه هـامه
avatar

ذكر عدد الرسائل : 44
العمر : 25
تاريخ التسجيل : 04/03/2008

مُساهمةموضوع: تـــعــلم كــتـآبــة الــشــعــر بـ 3 خــطــوآت ارجو التثبيت   الثلاثاء مارس 04, 2008 2:57 am

السلام عليكم ورحمة الله وبركاتة..

انا ابي فعليا لما امسك قلم واكون ناوي اكتب شعر
هل راح اقدر اكتب شعر ؟!؟!؟!؟!؟

نعم تقدر


وهذا هو موضوعنا


وهو خطوات عمليه لكتابة الشعر

( وانا بطبيعة الحال افترض انك خلاص استوعبت اللي بالموضوع)

خلنا اول شي نتفق علي هالامر واللي اهو ان القصيده قسمين


1-الفكره (خمسين بالميه )

2- الصياغه والوزن والقافيه و .......الخ ( خمسين بالميه )


مسألة الفكره ما اقدر اسوي فيها شي
هذي ترجع لك انت
وترجع لحياتك وترجع للموضوع اللي تبيه



ولكن الامور الثانيه ممكن نتعامل معها

ـــــــــــــــــــــــــــــــــــــــــــــ ـــــ

الكتابه العمليه للشعر

وهالموضوع راح نقسمه لمرحلتين


1- الاستعداد والتدريب

2- مباشرة الكتابه

ـــــــــــــــــ

المرحله الاولي:

1- الاستعداد والتدريب

لما تبي تلقي محاضره او درس عن القدس مثلا
لازم تقرا تاريخ القدس
وتقرا السياسه وتجهز امورك ..... صح ؟!!!؟؟!


قبل لانكتب..


ياليت اتحاول قد ماتقدر تسوي هالامور :

1 - اقرا شعر فصيح
( اول شي لااحمد شوقي والشعراء اللي عاصروه وبعدين اقرا المعلقات حتا لو مافهمتها )


2 - اقرا واسمع لهالشعراء
(فزااااع - حامد زيد- خالد الفيصل - محمدبن راشد المكتوم - سعود بن بندر - عبدالله الفيصل - مرشد البذال - طلال السعيد )
بس هذولا وانا مختارهم بالذات متعمد مو معناتها مافيه غيرهم لا فيه
و يمكن افضل بس ابيك تسمع كلامي
واعتمد


وارجووووك
اترك شعراء هاليومين لانهم راح يخربون مستواك
( شعراء هاليومين ذبحونا بهالكلام
لنعنبوها ولنعنبو جدها ويلعن خيرها والله ياخذ خالتها....
مادري أي غزل كله شتايم ...... المهم )


3- درب نفسك علي كتابة الشعر !!

شلون ؟!

انا اعطيك هالطريقه وحاول تسويها:

اختار اي بيت شعر وحاول تكتب علي نفس منواله

وعلشان تسهل الامر علي نفسك
اكتب الكلمات اللي تخدم قافيتك براس الصفحه عشان تكون حاضره قدامك


مثال :
والبيت لسعود بن بندر الله يرحمه


ياليتني بينـك وبيـن المضـره
من غزة الشوكه الي سكرة الموت



براس الصفحه اكتب الكلمات اللي تساعدك

مضره : مسره - مبره - مره - مجره .......الخ

موت : فوت - صوت - حوت - قوت - مكبوت - .........الخ


واقعد ركب


ناديتلـك ياغايتـي الـف مــره
وان فات فينا الفوت ماينفع الصوت

ماشفت ياعمري بعمـري مسـره
والضيم فيني طول الازمان مكبوت


تحدى نفسك بالكتابه وحاول تكتب 4 او 5 ابيات نفسه
واذا خلصت اختار بيت غيره واكتب علي شاكلته
( وكرر هالعمليه لان الممارسه مهمه)


ـــــــــــــــــــــــــــــ

المرحله الثانيه :



قول باسم الله


قبل لاتبدأ


- تاكد انك اذا لقيت الفكره ف خمسين بالميه من القصيده خلص

- حط في بالك ان الكتابه امرها سهل مو شي معقد

- اعتقد وامن بانك تقدر تكتب شعر

- تأكد ان المساله مو الهام او وحي ينزل عليك

كل المساله حاله من الاستعداد الذهني والنفسي والعاطفي
فهيئ الجو المناسب للكتابه بعدين راح تلقا الامر عادي
يعني جو الهدوء والمكان الحلو والبراد ...

وصدقني مساله الجو المناسب بعدين تصير مالها داعي
يعني انا
ما اكتب الا وعندي ناس مزعجين يسولفون
او وانا اطالع مباراة كره قدم

المهم


صل علي النبي



2- مباشرة الكتابه

أ - الكتابه الاوليه
ب - تعديل المعاني
ج - ضبط القافيه
د - ضبط الوزن
ه -اعتماد القصيده


وراح نتكلم عن كل نقطه بروح :


أ - الكتابه الاوليه
(اكتب بالفكره اللي تبيها و لاتعقد الامور
ولا تركز حيل علي المعاني لكن حاول تكتب اللي في بالك
وحاول تسترسل قد ماتقدر
وكثر ماتستبسط الامر راح تلقاه بسيط )



ب - تعديل المعاني
( يعني مثلا لاتذكر المؤنث او تأنث المذكر ولاتجمع المفرد او تثني الجمع
وانتبه للمعني اللي انت كتبته مو المعني اللي في بالك )


ج - ضبط القافيه
( والقافيه تكون من حرفين او ثلاثه في الغالب
وانتبه للتشكيل
مثلا كلمه يختلف بكسر اللام وكلمة اختلف بفتح اللام !!
صحيح ان اخر ثلاث حروف نفس الشي بس التشكيل للحرف اللي قبل الاخير عفس الدنيا وخلاهم مايضبطون .
و ممكن تتبع الطريقه اللي قبل شوي
انك تكتب الكلمات اللي تساعدك براس الصفحه وتستخدم هالكلمات )

د - ظبط الوزن
( مسالة ظبط الوزن راح تكتسبها مع الممارسه
لكن الحين حاول تغنيها بنفس اللحن راح تجي معاك )


ه -اعتماد القصيده
( اذا كتبت قصيده واعجبتك اكتبها وانساها علي الاقل اسبوع وبعد الاسبوع اقراها
طبق هالمسأله ولا راح تندم صدقني )


ــــــــــــــــــــــــــــــــــــ

وانت تكتب

- حاول تبتعد عن القوافي الصعبه لانها راح تاذيك


- ولاتستعجل مسالة اتقان الوزن كل شي بالممارسه



بعد ماتكتب

- ابحث عن اخطاءك وانقد نفسك بنفسك

- قارن أي قصيده تكتبها بقصيده مشابهه لها


- اعرض محاولاتك علي ناس تثق انهم ينصحونك ولاتزعل من النقد
ومو بالضروره ان اللي ينقدك شاعر يكفي أي متذوق للشعر انه ينقدك
اهم شي يكون صادق
(وللعلم النقد فيه بناء وفيه غير بناء
البناء هو اللي يقولك عندك خطا كذا وكذا ويبين شنو الخطا ووين صايراذا قدر
والغير بناء اهو اللي يقولك انت عندك اخطاء
ولايقول شنو او يقول لا فيها نواقص ولا يبين او يقول شنو هالنواقص )


شوف ..


القصيده اساسها الفكره

فاذا الفكره اخذت 4 ابيات في التعبير عنها

ف هالاربعه كفايه مو بالظروره اتمطط الفكره عشان اتصير طويله


عط كل شي قدره

ياما ابيات مفرده وبروحها تسوالها قصايد من مية بيت ..

نقلت الموضوع لبساطته ..
وأتمنى لكم الفائده..

في أمان الله،،

منقول للفائده
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
،، حـمـودي ،،
..::.. مــديــر المــنتدى ..::..
..::.. مــديــر المــنتدى ..::..
avatar

ذكر عدد الرسائل : 543
البلد : : × جــدهـ ام الرخــاء و الـشدهـ ×
المهنه : : طـــــألـــب
العـمر : : (( .. سنه ))
الـمزاج اليوم :
هـوايتي :
تاريخ التسجيل : 25/02/2008

مُساهمةموضوع: رد: تـــعــلم كــتـآبــة الــشــعــر بـ 3 خــطــوآت ارجو التثبيت   الثلاثاء مارس 04, 2008 3:01 am

مشكووووووور اخوي انتظر كلمه احبك على الموضوع المفيد
------------
يثبت
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://wwwt3b.ahlamuntada.com
قاهرة الرجال
..::.. عـضو مـبدع ..::..
..::.. عـضو مـبدع ..::..
avatar

انثى عدد الرسائل : 8
تاريخ التسجيل : 05/03/2008

مُساهمةموضوع: رد: تـــعــلم كــتـآبــة الــشــعــر بـ 3 خــطــوآت ارجو التثبيت   الأربعاء مارس 05, 2008 7:29 am

لك اخي الكريم

جزيل الشكر على ما قدمته لنا من كلمات رقراقة دات معاني


فياضة دمت لنا و دام قلمك نبراسا

ينيرنا و ينير لنا دروب الابداع

أختك

قاهرة الرجال
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
MR.Eslam
عــضو مطروود
avatar

ذكر عدد الرسائل : 108
العمر : 22
البلد : : http://eslameid.ahlamontada.com
المهنه : : http://eslameid.ahlamontada.com
العـمر : : 13http://eslameid.ahlamontada.com
تاريخ التسجيل : 13/03/2008

مُساهمةموضوع: رد: تـــعــلم كــتـآبــة الــشــعــر بـ 3 خــطــوآت ارجو التثبيت   السبت مارس 15, 2008 5:20 am

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://eslameid.ahlamontada.com
!$الــمــجـــر و و و ح$!
..::.. عـضو صـاف الطـبلون ..::..
avatar

ذكر عدد الرسائل : 345
البلد : : بـــــاريــس
المهنه : : طــالــب
العـمر : : 16
تاريخ التسجيل : 12/03/2008

مُساهمةموضوع: رد: تـــعــلم كــتـآبــة الــشــعــر بـ 3 خــطــوآت ارجو التثبيت   الأحد مارس 23, 2008 6:07 am

................................................
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
(_(عسووووول)_)
::.::.مديــر المنتدى:.::
::.::.مديــر المنتدى:.::
avatar

ذكر عدد الرسائل : 415
العمر : 24
البلد : : سعودي والفخر لي !!
المهنه : : jeddah city
العـمر : : 16
الـمزاج اليوم :
هـوايتي :
تاريخ التسجيل : 14/03/2008

مُساهمةموضوع: رد: تـــعــلم كــتـآبــة الــشــعــر بـ 3 خــطــوآت ارجو التثبيت   الجمعة أبريل 18, 2008 12:13 pm

هههههههههه هذي كلها ثلاث خطوات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://wwwt3b.ahlamontada.com
Mis$ LooOoody
..::.. نـائب مـدير المنتدى ..::..
..::.. نـائب مـدير المنتدى ..::..
avatar

انثى عدد الرسائل : 639
العمر : 25
العـمر : : 16
الـمزاج اليوم :
هـوايتي :
تاريخ التسجيل : 16/03/2008

مُساهمةموضوع: رد: تـــعــلم كــتـآبــة الــشــعــر بـ 3 خــطــوآت ارجو التثبيت   الأحد يونيو 01, 2008 6:14 am

شكرا يا قمر

باي باي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
تـــعــلم كــتـآبــة الــشــعــر بـ 3 خــطــوآت ارجو التثبيت
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات تــ ع ــب قــلبي :: •·.·`¯°·.·• (المنتديات الادبي) •·.·°¯`·.·• :: =---- (منتدى الشعر و الخواطر)-
انتقل الى: